Við mælum með

Mömmuleikfimi

Við mælum með þessum námskeiðum eftir meðgöngu sem eru undir leiðsögn sjúkraþjálfara:

Móðir og barn í Hreyfingu

Fyrir barnshafandi konur sem vilja styrkja sig og þjálfa á meðgöngunni. Einnig fyrir nýbakaðar mæður sem vilja komast í gott form eftir barnsburð undir handleiðslu sjúkraþjálfara og hafa barnið hjá sér á meðan þær æfa.

Kennari Sandra Dögg Árnadóttir sjúkraþjálfari. Nánari upplýsingar á www.hreyfing.is

Mömmuform í Sjúkraþjálfuninni Styrk.

Mömmuform er 6 vikna námskeið fyrir nýbakaðar mæður sem vilja stunda áhrifaríka og örugga þjálfun eftir barnsburð.

Fjölbreytt námskeið þar sem lögð er áhersla á að byggja líkamann vel upp eftir meðgöngu. Stöðugleikaæfingum, styrktaræfingum og þolæfingum er blandað saman á markvissan hátt. Æfingar eru gerðar með eigin líkamsþyngd, lóðum, teygjum og fleiri áhöldum auk þess sem börnin taka einnig þátt í þjálfuninni.
Allar mæður með börn á aldrinum 6 vikna til eins árs eru velkomnar og að sjálfsögðu eru börnin velkomin með í tímana hvort sem þau sofa eða vaka á meðan tímanum stendur. Leikteppi og leikföng eru til staðar í salnum.
Heimaæfingar og fræðslupóstar eru innifalin í námskeiðinu.

Þjálfarar námskeiðsins eru Herdís Guðrún Kjartansdóttir, Matja Steen og Valgerður Tryggvadóttir sjúkraþjálfarar. Þær hafa mikla reynslu í hóptímakennslu og að vinna með konum á meðgöngu og eftir meðgöngu.
Fyrri þátttakendur sögðu námskeiðið fjölbreytt, vel skipulagt með vaxandi álagi og góðan grunn fyrir áframhaldandi hreyfingu.

Nánari upplýsingar og skráning á https://www.facebook.com/mommuform eða [email protected]

Hraust þjálfun

Námskeið hannað af sjúkraþjálfurum og mömmum fyrir aðrar mömmur sem vilja komast í betri tengingu við líkamann sinn og byggja upp góðan líkamlegan og andlegan grunn eftir fæðingu. Námskeiðið hentar öllum konum svo lengi sem a.m.k. 8 vikur séu frá fæðingu. Gert er ráð fyrir að mömmur mæti án barna.

Á námskeiðinu er lögð áhersla á:

▪️Að þú náir góðri tengingu við djúpvöðvakerfið, þ.e. grindarbotninn, djúpu kvið- og bakvöðvana og þindina
▪️Að þú setjir saman rútínu af teygjum og mjúkvefjalosunum sérsniðna af þínum þörfum
▪️Að þú getir viðhaldið spennu í djúpvöðvakerfinu á meðan þú framkvæmir aðrar styrktaræfingar
▪️Að þú styrkir þau svæði líkamans sem gjarnan rýrna á meðgöngu
▪️Að þú náir tökum á djúpslökun og tileinkir þér aðferðir til þess að draga úr streitu í þínu lífi.

Við mætum þér á þeim stað sem ÞÚ ert á akkúrat núna. Settu sjálfa þig í fyrsta sæti og skráðu þig til leiks.

Skráning á [email protected]

Bakleikfimi

Harpa Helgadóttir sér um bakleikfimi Hörpu sem er bæði sundleikfimi og í leimfimissal. Harpa er sjúkraþjálfari BSc, MTc, MHSc (sérgrein í skoðun og meðferð á hrygg og útlimaliðum). Hún er að ljúka doktorsnámi við Háksóla Íslands.

Leikfimin hennar hefur reynst vel fyrir þá sem eru slæmir í baki, hálsi og herðum.

Heimasíðan hennar er http://www.bakleikfimi.is

Ungbarnasund

Ungbarnasund er kennt á mörgum stöðum á höfuðborgarsvæðinu. Flestir sem sjá um kennslu eru með réttindi frá Busla, félagi ungbarnasundkennara. Til þess að fara á námskeið hjá Busla þarf fólk að vera íþróttakennarar, sjúkraþálfarar eða þroskaþjálfarar að grunnmennt.

Flestir bjóða upp á námskeið 1 – 2 sinnum í viku og er ráðlagt að börn séu 3 – 6 mánaða þegar þau byrja. Ungbarnasund er notaleg hreyfing í vatni sem örvar hreyfiþroska barna og kennir þeim og foreldrum þeirra að vera í vatninu. Sundlaugar sem notaðar eru í ungbarnasund eru um 33 – 34°.

Heimasíða Busla er, http://www.ungbarnasund.is og þar getið þið fundið lista yfir þá staði sem bjóða upp á ungbarnasund.